Інтэрв'ю з беларусамі ЗША і іншага замежжа. Падпісвайцеся і сачыце за новымі выпускамі на канале ABA ў ютубе: https://www.youtube.com/@aba.together
Новым госьцям "З намі цікАВА" стаў беларус Лос Анджалеса Сяргей Ульянаў, які падзяліўся няпростай гісторыяй свайго жыцьця і распавёў пра пераезд у ЗША, віруснае відэа ў ТыкТок і пра тое, як ён зараз пакарае Галівуд.
Чарговай госьцяй "З намі цікАВА" стала беларуска ЗША, хіміца-навукоўца і блогерка Яна Карслян. Мы паразмаўлялі пра дыскрымінацыю жанчын у сфэры навукі, пра адрозьненьні паміж беларускім і амэрыканскім грамадствамі, пра дзяцей, мовы і дыяспару.
Інтэрвію з беларускай Сан Францыска – Кацяй Фаміной, у якім яна распавяла пра ўдзел у беларускіх пратэстах, пра гісторыю каханьня даўжынёй у 26 гадоў, і як быць пасьпяховай рыэлтаркай са сьвядомай палітычнай пазыцыяй і ня здрадзіць сабе.
Беларускі журналіст і блогер з Нью-Ёрка. Падчас выпуску мы пагутарылі пра яго пераезд у ЗША, пра сытуацыю ў Беларусі і беларускую дыяспару ў ЗША. Таксама Алесь распавёў пра свой YouTube канал "Беларускі крок" і свае пляны на будучыню.
Беларуская актывістка са штата Арэгон, якая стала каардынатаркай праекта АБА Sport for Solidarity. Мы паразмаўлялі пра беларускую сьвядомасьць, і чаму Надзея адчувае сябе беларускай пасля 12 гадоў жыцьця ў Амэрыцы, а таксама пра стварэньне і ўдзел у праекце Sport for Solidarity
Беларуска, якая жыве ў Аўстрыі і ў сваіх сацсетках паказвае дыскрымінацыю беларусаў па моўнай прыкмеце. Мы паразмаўлялі пра беларускую сьвядомасьць і мову, пра выпраўленьне памылак і трасянку, пра двухмоўе і будучыню Беларусі.
Новымі госьцямі выпуску сталі музыкі беларуска-амэрыканскага гурта 5051 - Іван Шлык, Аляксандр Хацкевіч і Дзяніс Ігнацюк. Мы паразмаўлялі пра іх знаёмства і стварэньне гурта, таксама пра іх музычных натхняльнікаў, і каго з беларускіх музыкаў яны слухаюць. У інтэрв'ю хлопцы падзяліліся інсайдамі ўнутранай кухні іх творчых працэсаў: хто піша песні, хто лідар гурта, і расказалі пра новы беларускамоўны альбом.
Беларуская актывістка і заснавальніца супокі Беларусы Сан Францыска - Ліяна Хэбік. Мы паразмаўлялі пра беларускі актывізм пад час навучаньня і жыцьця Ліяны ў розных краінах сьвету, пра тое, чаму яна адчувае сябе беларускай, зьяўляючыся энічнай украінкай, і чым беларусы адрозьніваюцца ад іншых нацый.
Беларуская актывістка з Нью Ёрку, стваральніца першай беларускай онлайн-кнігарні ў ЗША, сяброўка борда і сакратарка Асацыяцыі беларусаў у Амэрыцы.
Вольны падарожнік, блогер, журналіст і вулічны артыст Аляксандр Гойшык, які распачаў кругасьветнае падарожжа ў кастрычніку 2021 г. Мы паразмаўлялі з Аляксандрам пад час яго візіту ў ЗША пра яго падарожжа вакол сьвету, яскравыя моманты з яго вандровак і пляны на будучыню.
Беларускі актывіст суполкі Філядэльфіі, сябра АБА. У выпуску Глеб распавёў пра ўдзел у пратэстным руху ў Беларусі, палітычны пераслед, ад'езд у ЗША і пра сваю актыўную валянтэрскую дзейнасьць у Амэрыцы. Зараз Глеб займаецца зборам гуманітарнай дапамогі для беларускіх палітычных уцекачоў, якія прыязджаюць у Польшчу і Літву.
Наш першы выпуск прыўрочаны не афіцыйнай гадавіне стварэньня АБА. Таму было вельмі сымбалічна для нас ўзяць інтэрв'ю ў першай прэзыдэнткі АБА - Надзеі Нортан.